Króatía - Hjólaskólinn
Við ætlum í æðislega rafhjólaferð til Króatíu!
Um er að ræða vikulanga létta hreyfiferð fulla af fjöri og dekri í mat og drykk og menningu innlendra. Við munum hjóla alls í 4 daga víðsvegar um fjöll, firnindi, krúttlega miðaldabæi og akra Istria skagans á rafmagnsfjallahjólum. Getustigið hentar öllum sem kunna að hjóla og njóta. Á hverjum hjóladegi fléttum við inn gæðastund í mat og menningu: Trufflutínslu og vínsmökkun þar sem við smökkum og njótum, heimsókn á geitabúgarð með tilheyrandi ostaupplifun og ekta ólívuupplifun beint í æð. Við endum alla hjóladagana okkar saman á góðum hádegisverði að hætti Króata áður en okkur er skutlað aftur inn á hótel.
Skelltu þér með í þessa spennandi ferð!
Hver vill ekki hjól, sól, menningu og matarupplifun, náttúrufegurð og heilt yfir geggjaða upplifun á tveimur hjólum með hlýjan vindinn í fangið… með skemmtilegum félögum?
Króatía 2024
Króatía er án efa einn fegursti áfangastaður Evrópu, þar sem sameinast á einum stað frábært veðurfar, einstök náttúrufegurð og ótrúleg yfir 3000 ára menning Adríahafsins, Í Króatíu finnur þú ótrúlegar strendur, hringleikahús frá tímum Rómverja, glæsileg hótel, einstaka matargerðalist og spennandi kynnisferðir, hvort sem er dagsferð til Feneyja, bæjarrölt í miðborg Pula eða sigling til eyjanna Brioni eða Krk.
Fararstjórarnir
Þóra Katrín og Erla hafa rekið Hjólaskólann frá árinu 2018. Frá þeim tíma hafa þær farið í nokkrar hjólaferðir með hópa erlendis, m.a. til Mallorca, Madeira, Tenerife og Marokkó. Þá hafa þær haldið hjólanámskeið bæði fyrir fullorðna og börn við góðan orðstír. Einnig hafa þær séð um hjólaþjálfun fyrir hjólafélögin Víking og Tind ásamt því að skipuleggja æfingaferðir erlendis. Þær eru með hjólaþjálfararéttindi frá alþjóðahjólreiðasambandinu (UCI) og einnig með þjálfararéttindi frá ÍSÍ ásamt réttindum frá PMBIA sem eru alþjóðleg þjálfara- og leiðsögumannaréttindi fyrir fjallahjól. Þær hafa yfirgripsmikla reynslu úr ferðageiranum þar sem Þóra Katrín hefur m.a. yfir áratuga reynslu af fararstjórastörfum erlendis ásamt vinnu af skipulagningu ferða hér heima og erlendis. Erla starfar sem ökuleiðsögukona á Íslandi þar sem hún gerir upplifun ferðamanna extra eftirminnilega. Það skemmtilegasta sem þær gera er að hreyfa sig í fallegu umhverfi, borða góða mat og njóta lífsins lystisemda.
Vínsmökkun, strandbar og sund! Þetta er vínsmökkunardagurinn okkar, og með svo miklu meiru til. Við hittum Danijel innfædda hjólaleiðsögumanninn okkar við hótelið kl. 9, fáum rafhjólin okkar og hjólum saman frá hótelinu. Við hjólum í gegnum lítil þorp sem er að finna á Kamenjak skaganum og förum alveg á suðurenda skagans þar sem við fáum okkur hressingu á strandbar. Við mælum með að taka með sundföt fyrir þá sem vilja svamla í kristaltærum sjónum! Þar á eftir förum við í vínsmökkun til fjölskyldurekinnar vínekru á skaganum og smökkum á afurðum vínbóndans (skál!) ásamt smá skinku og ostum með. Léttur hádegisverður er einnig í boði (innifalinn), pasta eða kjötmáltíð.
Hjóladagur 2 Föstudagur 31.5.
Steinaþorpið Bale - falinn fjársjóður! Við hjólum frá hótelinu og byrjum á að hjóla í gegnum Pula og skoðum miðbæinn áður en við stefnum í nnorðurátt. Hjólum meðfram strandlengjunni og sem leið liggur svo inn í landið að sögufræga steinaþorpinu Bale. Fáum okkur gott kaffi í Bale og hjólum svo áfram um sveitina í kring og tökum síðubúinn hádegisverð í nágreninnu (ekki innifalinn) áður en okkur er skutlað aftur tilbaka á hótelið eftir mat. Laugardagur 1.6. Hjóla-frídagur! Tilvalið að fara í dagsferð til Feneyja eða Rovinj. Skella sér í siglingu og heimsækja einhverja af þessum mörgu draumaeyjum sem er að finna á svæðinu. Versla eða slappa af í sólinni á laugarbakkanum eða á ströndinni.
Hjóladagur 3 Sunnudagur 2.6.
Geitabúgarður, heimboð og ólífur! Við hjólum frá hótelinu og stefnum á austurhluta Istríuskagans. Þar er að finna ósnerta náttúru, falleg þorp og fornar byggðir. Við rúllum frjáls í fríinu okkar um forna rómverska leið, í gegnum lítil þorp líkt og Marcana, Krnica og Rakalj. Við stoppum hjá geitabónda og fáum túr um lífræna geitabúgarðinn hans ásamt því að smakka afurðirnar; mismunandi geitaosta ásamt brauði og víni. Þá hjólum við áfram og þiggjum ekta lókal hádegisverðarboð (innifalið) hjá fjölskyldu á svæðinu. Þar munum við einnig fá túr um ólífubúgarðinn þeirra og smakka afurðirnar. Eftir hjóladaginn fáum við skutl aftur tilbaka á hótelið.
Hjóladagur 4 Mánudagur 3.6.
Magnað útsýni með trufflum! Við fáum skutl norður á Istriuskagann og hefjum hjóladaginn í bænum Buje. Við hjólum um vínakra, ólífutré, kornakra, skóga og miðaldabæi sem tróna á fjallstoppum. Hjólum m.a. í gegnum Grožnjan þorpið og fáum okkur kaffi, Motovun og Mirna River dalinn þar sem við munum upplifa magnað útsýni yfir sveitina. Þá skellum við okkur í ævintýralega truffluleit með local truffluveiðimanni. Tökum svo síðbúinn hádegisverð í Motovun sem inniheldur trufflur og annað góðgæti frá svæðinu (ekki innifalinn). Skutl tilbaka á hótelið.
Þriðjudagur 4.6. Hjóla-frídagur!
Tilvalið að fara í dagsferð til Feneyja eða Rovinj. Skella sér í siglingu og heimsækja einhverja af þessum mörgu draumaeyjum sem er að finna á svæðinu. Versla eða slappa af í sólinni á laugarbakkanum eða á ströndinni.
miðað við 2 saman í herbergi *
